وجهت الإعلامية بسمة وهبة، رسالة شكر للرئيس عبدالفتاح السيسي، بسبب التقدم الكبير الذي حققته الدولة المصرية في عهده، قائلة: " رسالة من مواطنة مصرية حياتها تغيرت ورؤيتها للأمور ولما يحدث في مصر تغيرت كذلك، رسالة من قلب مواطنة مصرية شاهدت تقلبات وتغيرات كثيرة وقررت أن تعبر عنها بعيدا عن حسابات الأرقام والأحداث والأخبار".
وأضافت وهبة، خلال تقديم حلقة اليوم، من برنامج "90 دقيقة"، على قناة المحور: "أنا مواطنة مصرية تحب البلد وتعشق ترابها وأتابع وأشوف اللي بيحصل على أرضها من يوم ما حضرتك توليت المسؤولية، زيي زي كل المصريين وأمهات مصر، نفسي بلدنا تكون أحسن، صدقتك لما قلت إن مصر هتبقى قد الدنيا، وهنبني بلدنا من جديد، وسنخلق حباة كريمة لكل مواطن بعد سنوات من الارتباك وعدم الاستقرار والحياة التي لا تليق بالشعب المصري ولا بدولة بحجم مصر".
وتابعت: "بس أنا كنت مشفقة على حضرتك، وبقول دي أحلام، وتصريحات وردية من بتاعة المسؤولين والرؤساء اللي بيقولوها في الأول، عشان ده اللي اتعودنا واتربينا عليه قبل ما حضرتك تمسك الحكم، كنت بسأل إزاي كلامك هيتحقق واحنا خارجين من ثورتين ودول حوالينا بتخبط في بعضها والاقتصاد بينهار، لكن بقول نفسي أنا مصدقة الرئيس لكنه هيحتاج 30 سنة عشان يعمل كل اللي بيقول عليه، عشان نخلص من الإرهاب والفوضى ونبني البلد من جديد".
وأردفت: "يا ريس، انت عملت المستحيل وحققت أحلام مواطنة مصرية ببلد مستقر وقوي ويبني مستقبل، حضرتك حققت المستحيل وفي زمن مستحيل".