حلت الفنانة أنغام ضيفة على برنامج “لايف من الدوبلكس”، والذى تقدمة الدمية الشهيرة أبلة فاهيتا، وخلال الحلقة كشفت أنغام عن العديد من التصريحات والأسرار الجديدة عن حياتها الأسرية والشخصية.
وقالت المطربة أنغام: "ببقى عايزه أحضن الجمهور، وانا على المسرح ومش ببص للجمهور كتير وأنا بغنى على المسرح، علشان لو حد اتكلم مع حد ممكن يشتتنى".
تابعت أنغام: "عندى مشكلة فى كتفى اليمين بس أنا مش بكون قاصدة فى الصور، أظهر كتفى الشمال فقط ومش ببقى مبسوطة لو روحت مكان ولقيت حد لابس زيى ونفسى أبقى جدة صغنونة ".
أضافت: "أنا أهلاوية جدا، وكعب عمرو السولية فى مباراة القمة أمام الزمالك "حاجة عظيمة وشيرين عبد الوهاب دلوعة وبقرف من حاجات كتير، وعندى مشكلة مع غسيل اليدين ، ممكن اغسلها 37 مرة فى اليوم وابنى الكبير يبلغ من العمر 24 عاما، وابنى الثانى يبلغ من العمر 16 عاما ، وأتمنى أن يتزوج ابنى الأكبر واصبح جدة ".
وكشفت أنغام أن ابنيها يجيدان الغناء و"صوتهم حلو"، وحول شخصيتها مع أولادها فى البيت، قالا: "ماما هلاسة جدا، بس فى الجد جد، لترد أنغام مازحة: "مش هيخشوا البيت النهاردة".