أكدت الفنانة فرح الزاهد أن عام 2021 له أهمية خاصة بالنسبة لها كونه شهد مولدها الفني قائلة : " بدايتي كانت في 2021 قبل معملتش أي حاجة وأنا في السنة دي حبيت حلمي ".
تابعت في لقاء خلال برنامج "كلمة أخيرة " الذي تقدمه الاعلامية لميس الحديدي على شاشة أون قائلة :"عملت أدوار كويسة خلال عام 2021 بس بتكسف أشوفها وبقول إيه الي أنا عملته ده ".
واصلت : " قبل 2021 كنت عاوزة أوري الناس موهبتي وفي نفس القت مكنش فيه فرصة وكنت بحب المذاكرة أوي وكنت عاوزة أبقى دكتورة في الجامعة لكن فكرت أني لو ذاكرت بس هخفي موهبة جوايا وعملت " الطاووس " ومخرج " الطاووس " فاروق عبد العزيز كان سبب في ده وقلتله خلتني أحب حلمي ".
وعن مشاعرها لدى مشاركتها شقيقتها هنا الزاهد في مسلل " حلوة الدنيا سكر قالت : " مكنتش هادفة لده بس المخرج قلها خلي أختك تبقى معاكي في دور أختك وصوتكوا زي بعض وكنت خايفة ومش حابة حد يقول " واسطة "وده حصل من أول مانزل البوستر قالوا واسطة وشتموني لكن بعد ماشافاوا دوري قالوا مش واسطة وأنتي موهوبة عشان كده كنت عاوزة أققلهم شوفوني وإحكموا عليا ".