قالت الفنانة سمية الخشاب، إنها التى تتشرط على العرسان وليس العكس كما أنها ترفض طلبهم بالجلوس فى البيت .
وعن حال اشتراط شخص عليها ترك عملها مقابل الزواج والأسرة، ردت الفنانة سمية الخشاب، فى تصريحات تليفزيونية قائلة: "الجواز والخلفة ده نصيب وملوش علاقة بحاجة وفى ناس كتير مشهورة وعندها بيت وأولاد والحاجات دى بتاعت ربنا ولو جه راجل اشترط يقعدنى فى البيت ده مرفوض ليه يتشرط عليا ده انا اللى اتشرط عليه".
وأوضحت أنها لا تحتاج إلى النجم محمد رمضان حتى تزيد من نجوميتها، وعلقت قائلة: "مش محتاجة انتشر ولا أزود نجوميتى بالظهور مع محمد رمضان ونجوميتى موجودة من زمان من قبل ظهور محمد رمضان ما يبقى نجم ولكن هو زميلى واحنا اصدقاء".
وأشارت إلى أنها لم تتفق مع النجم محمد رمضان فى الفيديوهات التى ظهروا فيها مع بعضهم لكى يتصدروا الترند، مضيفة: "احنا مش متفقين نبقى مع بعض عشان نطلع ترند ولما هو بيكح بيطلع تريند وأنا لم بكح بطلع ترند".
واعتبرت الفنانة سمية الخشاب، تصدر الترند بأنه رزق من الله، موضحة أن الفنان الذى يتصدر الترند يكون بسبب مقولة أو شئ اعجب الجمهور، لافتة إلى أنها لا تحب المفاجئات وتكرهها، مختتمة: "لو مفاجئة سعيدة أو مش كويسة بكرهها وبحب ابقى عرفه اى حاجة وباعتبار المفاجئات سخافة".