تشهد الفترة الحالية انتشار كبير للنزلات المعوية بين الأطفال ،يقدم لنا الدكتور محمد شبيب استشاري الأطفال وحديثي الولادة نصائح للأمهات لكيفية التعامل مع الطفل المصاب وهي كالتالي :
١.إذا كان الطفل يرضع طبيعي يبقى هيكمل زي ما هو على الرضاعة الطبيعية مش هنغير حاجة حضرتك بس اللي هتمنعي الأكل اللي ممكن يتعب معدتك و معدة الطفل زي الأكل الحراق و منتجات الألبان في بعض الحالات
٢. إذا كان الطفل يرضع صناعي هيكمل زي ما هو مش هنغير حاجة
أما أذا كان الطفل بيأكل ؟
يبقى خطتنا إن نشتغل في اتجاهين
الاتجاه الأول أن نعوض السوائل اللي الطفل بيفقدها أنسب حاجة للموضوع ده هو محلول الجفاف بس ناخد بالنا مش كل الأطفال هتتقبله خصوصا لو مفيش جفاف
طيب ايه البديل
البديل في السوايل و العصاير بس العصير اللي نديه لازم تتوفر فيه شروط وهي:
أن يكون فريش و الأفضل معصور في البيت.
يكون غير مضاف ليه سكر.
يكون من فواكه مش بتزود الإسهال أو بتهيج جدار المعدة و أفضلهم التفاح - الكمثرى - الجزر - الجوافة - الموز.
يكون مخفف ،هنخفف العصير بنسبة ٤ إلى ١ يعني ٤ مقادير ماء إلى مقدار واحد عصير.
أما الاتجاه الثاني:أن نبدء نأكل الطفل، بس الأكل ده لازم تتوفر فيه شوية شروط:
إنه يكون ممسك "يعني مش بيزود الاسهال".
يكون قليل أو خالي من السكريات.
يكون غني بالبوتاسيوم و قليل الصوديوم.
يكون غير مهيج لجدار المعدة.
يكون خالي من الدهون و الزيوت.