قال الفنان عمرو عبد العزيز، قابلت الفنان عادل إمام بالصدفة بعد انتهائى من مسرحية وخرجت علشان أروح وانا واقف فى الشارع وقفت قدامى عربية وظهرت منها ايد بتشاورلى وفذهبت لقيت عادل إمام فقالى :"انت واقف فى الشارع بتعمل إيه دلوقتى وبعدها قالى هجيبك فى عمل معايا قريب".
وأضاف عمرو عبد العزيز خلال لقاءه ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، انا من الفرحة روحت مشى على رجليا وقلت لأمى :"مش انا قابلت عادل إمام فى الشارع".
تابع عمرو عبد العزيز انا قعدت فى المكتب مع عادل إمام ساعتين وقالى انا بعمل فيلم عن الجامعة وشبابا الجامعة اسمه "مرجان أحمد مرجان" ليك دور عندى لطيف تعمله؟ فقلتله طبعا يا أستاذ، وقالى مبروك توكل على الله، وبعد أسبوعين شاركت فى الفيلم، وآخر يوم فى الفيلم عيطنا علشان مش هنشوف الزعيم تانى".
ولفت عمرو عبد العزيز إلى أن عادل إمام كان بيحب حالة الشباب فى الجامعة بالفيلم، وكان بياكل معانا ويقعد معانا على الأرض، موضحا أنه بيحب أكل العسلية الكور".