تعرف ما علاقة تغير المناخ بزيادة الأمراض والأوبئة

قال الدكتور إسلام عنان أستاذ اقتصاديات الصحة وانتشار الأوبئة إن الكرة الارضية درجة حرارتها زادت درجة واحدة (١) من بداية سنة ٢٠٠٠ ومستوى المسطحات المائية زاد ٢ ملي والكتلة العالمية الجليدية قلت ٣٪ .

وبالتالي يؤثر تغيرات المناخ بشكل كبيرعلى زيادة الاوبئة وهو ملخص بحث نشر في اللانست وبحث قامت به الCDC) ونتج عنه الآتي :

١- زيادة ٩ أمراض جديدة معدية ينقلها الناموس في أمريكا.

٢- زيادة في فرصة إصابات الملاريا ٦٦٪؜ وسنة ٢٠٥٠ هيبقى إصابات الملاريا أعلى ١٤٪؜ كأعداد.

٣- ظهور أمراض مثل الحمي غرب النيل وزيكا والحمى الصفرا وحمى الضنك في مناطق جديدة بنسب أعلى مثل كندا وأمريكا وأوروبا.

٤- زيادة درجة واحدة في حرارة الأرض وفرصة حدوث طاعون في أسيا هتزيد ٥٠٪؜.

٥- الاسكا بقا عندها فرصة لحدوث نوع من أنواع الجدري إسمه (AlaskaPox) وبما أن درجة حرارة المياة بقت ١٥ بدل ١٤ في نوع بكتيريا ظهر في المحار اللي بياكلوه مكانش موجود.

٦- زيادة العدوى بالسلامونيلا (في البيض واللحمة).

وكل هذا بسبب:

١- كل حيوان ووسيط(زي الناموس والقراد) كان عايش في المنطقة الحرارية بتاعته ولما اختلفت ابتدى يهاجر بفيروساته زي ناموسة الملاريا مثلا ويعدي ناس وحيوانات في أماكن جديدة.

٢- زيادة في الفصول الحارة ومدتها أدى لزياده فتره الإصابة بكل اللي فوق.

٣- انتقال حيوانات لمناطق أخرى ابتدت تعدي كائنات أخرى مكانتش متعودة على الفيروسات دي وده عمل القفزات الفيروسية بين الكائنات وتخليها متحررة واشرس وده مثلا اللي كان بيقوله بيل جيتس بس من غير ما يفسر.

٤- التصحر وإزالة الغابات جعل الكائنات تذهب للمدن بيفروساتها وده كان من أسباب انتشار الإيبولا.

٥- إزالة الغابات والرقعة الخضراء عمل مجاعات في بعض المناطق وجعل الناس تأكل حيوانات برية مثل الشمبانزي والخفافيش (شوربة الخفافيش) وده طبعاً جاب للبشر بلاوي مش بس فيروسات.

٦- درجة حرارة زيادة والفيران مش هتستحمل الحر وهتهرب أكثر للبيوت والمدن وعشان كده وضع نسبة إعاده ظهور الطاعون تاني.

٧- الحرارة هتأثر على مياة الشرب وزيادة الفطريات فيها والبكتيريا.

وأكد عنان الأسباب كثيرة وهتأثر على الثروة الحيوانية والزراعية والتوازن البيئي وللآسف متوقع أن درجة حرارة الأرض تزيد درجة كمان في خلال ١٠-٢٠ سنة و٤ درجات كمان ١٠٠ سنة لو مخدناش التلوث والتوازن البيئي بجدية لازم نقلل الانبعاثات الكربونية وتقليل التصحر وزيادة الرقعة الزراعية بدل ما الطبيعة تتعافى علينا