محمد موسى: حروب الجيل الرابع طلقات رصاص تضرب العقل والوعي

قال الإعلامي محمد موسى، إن مفاهيم الحروب في الآونة الأخيرة تحولت من إطلاق الرصاص إلى طعن العقل والوعي، قائلا:"زمان لما كانت دولة عاوزة تحارب دولة كان بتحشد قوات وتجهز أسلحة وتصرف وتتدرب وقصة طويلة كده.. المفهوم المعروف ده للحرب اتغير في السنين الأخيرة.. الرصاصة اللي بقت بتنضرب مبقتش طلقة تخترق الصدر لكنها بقت طعنة مسمومة بتطعن العقل والوعي.. وده بيحصل من خلال ضرب قيم المجتمع بنشر أفكار دخيلة عكس القيم اللي اتربينا عليها ". وأضاف محمد موسى خلال تقديم برنامج "خط أحمر" على قناة الحدث اليوم، "منصة ديزني أقل ما توصف به بأنها عدو يروج لأفكار مسمومة.. المنصة دي تقريبا كل سنة لازم تعمل فيلم يروج للمثلية الجنسية.. والمرعب إن الرسالة دي موجهة للأطفال.. ودي للأسف صورة من حروب الجيل الرابع". أتم، ممكن البعض يشوف الأعمال اللي بتطلعها المنصة دي حرية الفن.. لأ.. العمل اللي ينشر الأفكار السامة دي يبقى مش حرية.. المنصة اللي تعملنا كل سنة فيلم عن المثلية الجنسية يبقى نيتها مش مضبوطة.. المنصة اللي يصدر ضدها أحكام بعدم البث في مصر يبقى لازم نعرف اللي وراها كويس". https://www.youtube.com/watch?v=4bHPVYoH5os