نشر الفنان محمد نجاتي مقطع فيديو عبر حسابه الشخصي بموقع انستجرام وعبر فيه عن استيائه الشديد، من منشور الكاتب عمرو صحصاح حيث قارن عمرو بين نجاتي وأمير كرارة، حيث أكد أن أمير كرارة كان يتمنى أن يشارك في مسلسل محمود المصري وقدم كل المحاولات الممكنة وغير الممكنة لكنه لم يوفق لذلك وقدم الدور نجاتي بدلا منه
و قال نجاتي خلال الفيديو " أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور"
وأضاف: "أما بقى بالنسبة للبوست اللي قال الأستاذ عمرو الصحصاح فيه شوف دلوقتي أمير كرارة فين و محمد نجاتي فين؟ طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، قدر إنه يوصل لحب الناس وقاعدة كبيرة جدا من الجمهور، لكن دي حاجة مش بإيديا، دي حاجة خارجة عن إرادتي".
تابع: "أنا راجل ممثل وبشتغل الحاجات اللي بلاقيها كويسة ومناسبة، ممكن تكون مش أعمال بتاخد بروباجاندا كبيرة زي ما فنانين كتير يشاركوا في أعمال أنا أتمنى أكون في الحاجات المهمة دي، لكن غصب عني أنا مضطر اشتغل حاجات علشان أكمل بقيت حياتي لأن عندي التزامات، وعندي حاجة تخليني مش مبسوط أوي".
وفي النهاية قال نجاتي "وأحيانا يضطر أقبل حاجات مش راضي عنها علشان اقدر اكمل حياتي، وإذا كانت الوضعية دي مضايقة ناس أو بعض الصحفيين على فكرة أنا ممكن أعتزل وأريحكم كلكم مني وتبقى نهاية الحكاية".
يذكر أن آخر أعمال محمد نجاتي كان مشاركته في حكاية "رق الحبيب"، ضمن حكايات مسلسل "ورا كل باب"، من بطولة سوسن بدر، وأحمد فؤاد سليم.