كشفت الفنانة نهى العمروسي، أسباب ابتعادها عن مهنة التمثيل خلال الفترة الماضية، مشيرةً إلي أن كل الأعمال الذي تعرض عليها غير مناسبة لمسيرتها الفنية.
وقالت نهى العمروسي في تصريحات تلفزيونية: أنا مش بعيدة عن الفن لكن بيتعرض عليا أعمال قليلة ووحشة، ورفضت كثير من الأعمال لأنها مش قيمتي، وقررت أبتعد عن التمثيل لأني مش عايزة أهزأ نفسي، أقعد في بيتي وأحترم نفسي وجمهوري أفضل ما أظهر في أعمال ملهاش لازمة.
وتابعت نهى العمروسي: مش فارق معايا حد يقدر مسيرتي الفنية المهم إني مقدرة نفسي، ومهنتي لو مقدرتنيش مفيش حاجة تقهرني ولا مهنة ولا راجل ولا مصيبة ولا كارثة.
وأضافت العمروسي: مش هقعد استنى تيجى ليا أدوار حلوة ومناسبة، وكنت بعيط زمان لما كان بيتعرض عليا أدوار وحشة، كبرت حاليا ونضجت لاقيت إني قيمة.. ولو الفن مقدرنيش خلاص.