بطلة واقعة الدجال: " أوهمنى إني ملبوسة واغتصبني"

كشفت سلمى هارون الفتاة التي تتهم دجالًا بالاعتداء عليها جنسيا وابتزازها بصور عارية، كواليس وقوعها ضحية الاغتصاب على يد الدجال.

وقالت “سلمى” خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “mbc مصر”: "مريت بتجربة مريرة جدا، بعدما تعرضت لهتك عرضي".

وأضافت هارون: "علاقتي بالدجال بدأت لما كان عندي مشكلة تخص شخص اَخر، ولجأت له على أساس إنه بيعالج بالقراَن فوجئت بإن الموضوع قلب عليا وخدعني بإني ملبوسة وعليا جن وهو لازم يخرجه، حتى وصل الأمر إنه اعتدى عليا جنسيا".

وأوضحت هارون: "أثناء وهو بيطلع من عليَّا الجن حسب زعمه قال لي اشربي الزجاجة دي علشان أخف من المشكلة اللى عندي ففوجئت بإن حصل الاغتصاب، وبعد لما حصل الاغتصاب طلبت منه يبرر موقفه، فعرفت إن فيه مادة بيستعملوها كحاجة مخدرة وآثارها بتبقى لمدة ساعات، فرفعت قضية اغتصاب وأموال عامة عليه وعلى مراته واخواته، ولكنه ساومني بالصور العارية، وقعدنا فترة مستنيين إنه يبقى زوجي ويكتب عليَّا دون جدوى".

وأضافت: ""الدجال ده عنده 30 سنة وانا عندي 34 سنة، أنا خريجة إعلام، هو مش دجال هو ساحر، وبيتشغل سفلي وبيأذي الناس وبيسحر، وفيه ناس كتير اتأذت، وفيه بنات وقعوا ضحايا له وهم بنات عائلات كبيرة جدا، أهلى شافوني وانا باموت وبيني وبين قبري ساعات، وربنا نجاني وشافوني وانا باقع، وفي المستشفيات مش عارفين تشخيص لحالتي، أنا بنهار وباموت يوميا بس كان لازم أتكلم "".