قالت الفنانة نادية الجندي: "السينما في دمي وكل حاجة في حياتي، وأنا لو موقفتش قدام كاميرا أحس إني هاموت وحياتي انتهت، من وانا طفلة عمري 5 سنين وانا بمثل في المدرسة والحكاية بقت جوايا".
وتابعت خلال مداخلة هاتفية ببرنامج "الستات" الذي تقدمه الإعلامية سهير جودة بقناة "النهار": "أنا مقدرش أعيش من غير الوقوف قدام كاميرا السينما، ولكن لازم أشارك في عمل أكون مقتنعة به وسعيدة بادائه ودور مختلف ويحمل تحدي وأمر مميز".
ولفتت: "اللى بيتعرض عليا دلوقتي من أعمال فنية حاجات مكررة وسطحية أوى ملهاش معنى، ولو جالي دور سينمائي كويس هوافق معنديش مانع لو جالي دور حلو وشخص حلو يحب يرتبط بيا".
وعن مواصفات الرجل الذي تتمنى خوض تجربة الزواج معه مجددًا، قالت نادية الجندي:"عايزاه يكون ابن حلال بس ومش طالبة اكتر من كده، ابن حلال يعني احس بسند ورجل يقدر قيمتي وحنون واحس جنبه بالأمان وده اهم احساس في العالم".
نادية الجندي، خرجت نجمة الجماهير الفنانة الكبيرة نادية الجندي من جديد على جمهورها ومتابعيها من مصر ومختلف الدول العربية بإطلالة أكثر جرأة وجاذبية لتودع عام 2022.
حيث نشرت عبر حسابها الشخصي بموقع التواصل الاجتماعي (فيس بوك) مجموعة صور لافتة للأنظار من أحدث جلساتها التصويرية، وصاحبت الصور بتعليق: نقفل التريند رقم (12) في سنة 2022 بأحدث جلسة تصوير.. وكل سنة وأنتم طيبين وبألف خير (2023) سنة سعيدة عليكم جميعًا.. Thank you all.