قالت الإعلامية ياسمين عز: "لو أنت قاعدة جنب جوزك متتنفسيش وهو بيتنفس، عيب تتنفسي وجوزك بيتنفس في نفس الوقت، ننظم الحركة مع بعض، مبقولش تكتمي نفسك وتموتي مكتومة لا بعد الشر».
وأضافت ياسمين عز في برنامجها "كلام الناس"المذاع علي قناة «إم بي سي مصر»:"أقصد وهو متعصب وصوت نفسه عالي من العصبية، متنفخيش أنتي كمان، ده هيزود شحنة الكهرباء والعصبية، سيبيه يهدى لوحده، ونظمي نفسك".
وأوضحت "ياسمين": "حاجة كمان لو قاعدة جنبه بتتسامروا مينفعش تمشي وتروحي الحمام، وهو بيتكلم، لو مستعجلة قوليله بلطف، حبيبي هروح أعمل حاجة وجاية أو هروح أغسل ايدي عشان حاسة أنها محتاجة تتعطر شويه".
ويرد الجمهور على كلام " ياسمين عز" عبر حساب "إم بي سي مصر" على موقع "فيسبوك"
قال "بندر الباهلي": "يا سلام ونعم الطاعة ,اومال اطلقتي ليه".
كما قال "رزق عبدالرحمن": "يا بنتي ياستي يا اختي إرحمينا مواضيعك بتدل علي فشلك انتي وفريق اعدادك".
وأخر قالت "أية أحمد": "أقسم بالله الي مدايقني مش أنها في صف الرجالة الي مدايقني انها واحدا جايا ماسرايا ومبتعرفش تكلم".