قالت الفنانة حورية فرغلي: "حلم حياتي تقديم جزء ثالث من مسلسل ساحرة الجنوب، برغم إن بعده حصلي مشاكل وبقيت أتعب واتعمل لي عمل".
وأضافت خلال لقائها ببرنامج "مساء dmc" الذي تقدمه الإعلامية إيمان الحصري بقناة "دي ام سي": "اتعمل لي عمل ولقيته في البيت ومكتوب فيه حورية تصاب بالشلل والمرض وتصبح طريحة الفراش ويقف جوازها وخلفتها ورزقها".
وتابعت: "لقيت العمل اللى معمولي في زرعة وكانت ورقة مدفونة، أنا كنت بتعب من غير سبب ووزني كان وصل 49 كيلو ومش باكل، واكتشفت في الآخر إنه سحر وعمل وفيه حتة من شعر رأسي".
وأشارت حورية فرغلي: "أنا معرفش مين اللى عمل لي العمل، ولكن ماما ساعدتني وفكينا العمل وبقيت أحسن وصحتي رجعت لي، بس فيه شخص مش كويس قرر يأذيني مش بس كده، ده قرر يموتني".