كشفت الفنانة لوسي، كواليس دورها في مسلسل المداح، قائلة :" كنا بنصور في الفيوم وعملت مكياج الجنية وكان الطقس حار وقبل دخولي لوكيشن التصوير لقيت المخرج بيقولي ارجعي الفندق بسبب وجود عاصفة شديدة ".
وقالت لوسي خلال حوارها مع الإعلامية بسمة وهبة في برنامج " العرافة " المذاع على قناة " المحور ":" أول لما دخلت لوكيشن التصوير لقيت عاصفة شديدة ومصورتش "، مضيفة:" الجنية هند بنت الأحمر موجودة بالفعل تحت الأرض وتلازمني ".
وأضافت لوسي:" فيه جنية طيبة ومؤمنة ومسالمة وفيه جنية شريرة "، مضيفة:" عشان أعمل دور الجنية في المداح كان لازم اعرف أكتر على الجن ".