وجه الدكتور على فخر، أمين الفتوى بدار الإفتاء المصرية، رسالة إلى كل من كتب لهم زيادرة بيت الله الحرام هذا العام، قائلا: "عليكم استحضار إنكم ضيوف بيت الله، وعليكم الذهاب بقلب نقى، من كل الأحقاد والآثام والذنوب، وعلينا التوبة لا رجعة فيها لأى معصية".
وتابع أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس": "لازم الحاج يتحلل من حقوق العباد، ورد المظالم لأهلها، وأن نطلب منهم المسامحة، وعلينا زيادة التوبة والندم بينك وبين الله، وعليك بصحبة طيبة تعينك على طاعة الله، نقى نفسك ولا تشغل نفسك بالدنيا، ولا تفاصل فى أى أمر بيع وشراء هناك، سواء فى طعام أو شراب، أى زيادة بتدفعها هى أجر".
واستكمل: "توكل على الله، هتلاقى نفسك كل هذه الأمور ميسرة عليك لأنك هناك هتكون فى ضيافة الله، وأن فى ناس كتير بلاقيهم مشغلين طيب هنروح فين وهنعمل إيه، وبيشغلوا نفسهم بأمور فى الآخر بيكون مفيش أيسر منها لما يفكروا فقط فى الطاعة".