علق الملحن عزيز الشافعى، على نتيجة مباراة القمة بين الزمالك والأهلي والتى انتهت منذ قليل بهزيمة الزمالك برباعية مقابل هدف، فى اللقاء الذى أقيم على أرضية ملعب ستاد القاهرة، ضمن الأسبوع الـ 31 من عمر مسابقة الدورى العام.
وعبر صفحته الشخصية على موقع التواصل الاجتماعى تويتر كتب عزيز الشافعى قائلاً:
نتيجة طبيعية جدا
فرق مستوى كبير وواضح
فرق كوالتي لعيبة كبير جدا كإن بطل الدوري بيلاعب فريق في منتصف الجدول
الفرق ده مش بس بسبب فرق الإمكانيات المادية وفرق الميزانية الكبير بين الناديين
ده صح لكن زود عليه كل الأخطاء الإدارية والفنية والتخلي عن اعمدة الفرقة وتفكيكها
والسبب الأهم اننا نادي قيمته في نظر المسئولين عن الرياضة المصرية ماتليقش بقيمته التاريخية ولا بالملايين اللي بتشجعه
ف بيتفرج علينا المسئولين عن الرياضة وإحنا نادي تم عزل رئيسه وفي نفس الوقت لم يتم عزله ومحدش عارف مين المسئول دلوقتي ومين بيخطط للموسم الجديد ومين هيقبل يعمل عقد رعاية لنادي مالوش صاحب
وسايبين النادي ده كإنه مركز شباب صغير ويمكن لو مركز شباب كانوا حلوا مشاكله ووفقوا اوضاعه القانونيه ف وقت أسرع من كده