فتحت الإعلامية أميرة عبيد النار على مغني راب الأمريكي ترافيس سكوت، قائلة: ده ماسوني من الدرجة الأولي بيدعوا الناس أثناء حفلاته لطقوس شيطانية واعمال منافية للآداب منها شرب المخدرات والجنس و سفك الدماء حتي الموت وطبعاً الناس اللي بتموت بيقدمها قرابين للشيطان".
وأضافت أميرة عبيد خلال تقديم برنامج "هي وهما" على قناة الحدث اليوم، ترافيس سكوت في مهرجان لولا بلوزا عام ٢٠١٥ شجع الناس في الحفلة علي عدم الالتزام بكلام الأمن وحول المهرجان لفوضي بيحكمها طقوس الشياطين الأمر اللي بسببه تم اعتقال ترافيس سكوت لفترة ثم تم الإفراج عنه بعد ما دفع الغرامة.. وبعد كده في عام ٢٠٢١ عمل حفلة في مهرجان استر ورلد اللي مات فيها حوالي ١٠ أشخاص و ٣٠٠ إصابة لأعمار مختلفة الأمر اللي دفع أهل الضحايا إلى رفع حوالي ٢٠٠ دعوة قضايا ضد ترافيس سكوت".
وتساءلت أميرة عبيد، ترافيس سكوت جاي مصر يهبب إيه و يعمل فينا إيه يموت شابنا ويقدمهم قرابين للشيطان ولا عشان يعلن عن البومة الجديد من مصر زي ما بيقول ؟ طيب لو عشان يعلن عن البومة الجديد من مصر زي ما سمعنا وان ده هيساعد في تنشيط السياحة المصرية طيب ما هنا في سؤال تاني بيطرح نفسة ، اشمعنا الأهرامات اللي اختارها عشان يعمل فيها الحفلة ؟!
https://www.youtube.com/watch?v=A-76LUCxCzc