في فعالية ضخمة، احتشد فيها الآلاف من المواطنين بمدرجات استاد القاهرة، تضامنا مع الفلسطينيين، تم إطلاق أكبر قافلة من شاحنات المساعدات الإنسانية إلى قطاع غزة، وحرص المشاركون فى مؤتمر «تحيا مصر.. استجابة شعب تضامنا مع فلسطين»، على حمل الأعلام المصرية والتفاعل مع الأغانى الوطنية فى مدرجات استاد القاهرة.
أكد الرئيس عبدالفتاح السيسي، لدى وصوله استاد القاهرة للمشاركة فى مؤتمر «تحيا مصر وفلسطين»، أن الدولة المصرية لم تغلق معبر رفح أبدا، متابعا: «"مهم أوي النقطة دي.. بقولكم الكلمة دي علشان شوفت الكثير من المغالطات.. فيه بعض القنوات قامت بالإساءة لينا.. إننا مش عاوزين أو بنقفل المعبر.. بقول لكل المصريين ولكل الناس فى الدنيا.. معبر رفح لم يغلق أبدا ولن يغلق أبدا فى وجه مساعدات تدخل القطاع"».
وأضاف الرئيس السيسي " «قبل موضوع 7 أكتوبر كان بيدخل 500 شاحنة يوميا.. ولما يبقي فيه أزمة كبيرة كده.. مش من صفاتنا أو سماتنا أننا نقفل المعبر" ».
وقال الرئيس عبدالفتاح السيسي: إن جميع المصريين اشتركوا للتخفيف عن معاناة الفلسطينيين فى قطاع غزة.
وتابع: " «هنأكد على الدور الكبير الذى قامت به مصر متمثلة فى كل المصريين.. جمعيات – منظمات - حياة كريمة - تحيا مصر.. كل الناس اشتركت علشان تخفف عن أهالينا فى قطاع غزة.. رغم ظروفنا الصعبة لكن عاوز أقولكم إن حجم المساعدات مقارنة بالمساعدات التى تم إدخالها خلال الكام يوم اللى فاتوا دول إحنا قدمنا 75 – 80% من حجم اللى جه من الدنيا كلها.. أقصد أقول إن إحنا كنا على قدر المسئولية وحاسين قد إيه نتحرك كلنا ونخفف عن أهلنا فى القطاع بالمساعدات اللى اتجهزت فى أسرع وقت"».
ووجه «الشكر لكل المشاركين فى إعداد المساعدات لأهل فلسطين.." عاوزين ندخل أكبر حجم من المساعدات فى الظروف دي.. داخل القطاع فيه 2.3 مليون إنسان تحت الحصار محتاجين كل حاجة.. مياه وقود وأغذية وكل حاجة.. مستمرون فى الدعم والمساندة.. الشعب المصري بكل طوائفه وفئاته وكل منظمات المجتمع المدني.. اللى فات كوم واللى جاى كوم تاني"..
دقيقة حدادًا
اقرأ باقي التقرير في العدد الجديد من مجلة أكتوبر، اضغط هنا