علق أحمد حسام ميدو نجم نادي الزمالك السابق، على أداء منتخب مصر أمام موزمبيق بعد التعادل المخيب للآمال في افتتاح مشوار الفراعنة ببطولة كأس الأمم الإفريقية 2023.

وانتهى اللقاء الذي جمع منتخب مصر أمام موزمبيق بالتعادل الإيجابي بهدفين في شباك كل منتخب، بالجولة الأولى من دور المجموعات لمسابقة كأس الأمم الإفريقية 2023، التي أقيمت على ملعب فيليكس هوفويت بكوت ديفوار.

وكتب "ميدو" عبر حسابة الرسمي على منصة (إكس): "مباراة سيئة جدًا من منتخبنا ماعندناش أي حلول لاعيبة نص الملعب لا بيدافعوا ولا بيهاجموا باكين الجنب التلاتة اللي لعبوا مش عارفين يرفعوا ولا كورة صح".

وأشار: "مفيش ضغط عليهم المهاجمين واقفين في العرضيات ماحدش فيهم بيحاول يقطع قبل المدافعين إمام عاشور نازل قرفان وبيلعب على الهادي خالص كأننا كسبانين".

وتسائل "ميدو": "إزاي كهربا يبقى بره وأحمد حسن كوكا هو اللي ينزل؟ ليه في الزحمه دي مصطفى فتحي مانزلش؟ أسوأ مباراة لڤيتوريا مع المنتخب..مباراة كلها أخطاء من المدرب!!".

وتابع: "ربنا ستر النهارده وطلعنا متعادلين والنقطة اللي اخدناها النهارده هي الحسنة الوحيدة في الماتش..الماتش اللي جاي مش محتاج تأليف لازم نلعب 4-3-3 ولازم نبقى منظمين وكل اللاعيبة تلتزم بأدوارها الدفاعية..كم اللاعيبة اللي بتتمشى بعد ما الكورة بتتقطع مننا مرعب!!".