استقر مسئولو النادى الأهلي على سفر كريم فؤاد، لاعب الفريق للنمسا للخضوع لجراحة الرباط الصليبي هناك، على أن يتوجه اللاعب بعدها لقطر لخوض فترة التأهيل هناك، مثلما فعل فى الإصابة الأولى.
وينهى مسئولو النادي الأهلي، فى الساعات الجارية، إجراءات سفر كريم فؤاد الظهير الأيمن للفريق للنمسا للخضوع لجراحة الرباط الصليبي خلال الأسبوع المقبل لدى نفس الطبيب، الذي أجرى له الجراحة الأولى.
ومن المقرر أن يتوجه كريم فؤاد لقطر لخوض فترة التأهيل هناك حتى يعود للملاعب في أسرع وقت.
وعبر كريم فؤاد، نجم النادي الأهلي، عن قبوله تحدى الإصابة بقطع فى الرباط الصليبى وذلك عبر حسابه على فيس بوك.
وكتب كريم فؤاد، "كل خسارة دُونَ الجنة، فهي دُون.. اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايماً الابتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون اختبار ليك هتعمل ايه في الموقف دا، وأن الاختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الابتلاء دا".
وأضاف نجم الأهلي، "وأنا كان مكتوبلي إصابة في الرباط الصليبي للمرة التانية، بس عندي إحساس تاني خالص مع الاختبار دا ، أنه أنا في نعمة كبيرة أوي وأن الحمدلله ربنا رزقني باختبار سهل وهين أوي مقابل ابتلاءات ناس تانيه اصعب من دا بكتير ، وكمان اختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن ..عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني".
وأكمل كريم فؤاد، "أنا بحمد ربنا وراضي ومؤمن جدا إن ربنا بيحبنا نقرب منه بالعبادات اللي منها الصبر والدعاء.. الحمد لله مستعد للاختبار ومتحمس.. شوية وقت وهنرجع نحارب من تاني.. أشوفكم على خير قريب".