داليا البحيري تطمئن جمهورها بعد تعرضها لحادث سير

حرصت الفنانة داليا البحيري على أن تطمئن جمهورها ومحبيها على حالتها الصحية بعد نجاتها من حادث سير في الساحل الشمالي.

ونشرت داليا البحيري صورة لها من الحادث، عبر حسابها الشخصي بـ إنستجرام، وعلقت عليها: "الحمد لله على كل شيء طبعا، لأننا لازم نحمد ربنا على كل حاجة وفي كل وقت".

وتابعت داليا البحيري: "مناعتي وقعت وبقالي 3 أسابيع عيانة جدًا، جالي دور برد أو كورونا ولما ابتديت أخف شوية، حسن جوزي اتعدى وتعب جدًا! أكتر مني بكتير، لدرجة إننا اضطرينا نروح مستشفى".

وأضافت، رجعنا من المستشفى وبعد أقل من ساعة، كانت حرارتي طلعت تاني ورقدت، ومن يومها وأنا مش بتحسن ويكتمل السيزون برجوعي سايقة من الساحل وأنا تعبانة، لأني كان عندي ارتباط مهم في القاهرة، والكاوتش بتاع عربيتي يتفرتك ويطلع دخان، بحمد ربنا إنه كان عند دخلة البوابات وماكنتش ماشية بسرعة. ده ستر ربنا الجميل، باختصار، كان صيف مشحون جدًا، بس برضو هافضل أحب الصيف وأفضله، دعواتكم بقى إني أخف لأني استويت.

واختتمت، كمان كان لازم أشكر رجال المرور اللي كلهم شهامة وساعدوني وركبولي الاستبن.