عرابي يوضح حقيقة عودة أيفونا للأهلي

كتب: مصطفى يحيى

أكد هيثم عرابي مدير التعاقدات السابق بالأهلي، وصديق الجابوني ماليك إيفونا مهاجم الفريق الأحمر السابق وتيانجين الصيني الحالي، أن ما كتبه الأخير على حسابه الشخصي بموقع "إنستجرام" اليوم الجمعة، كان يقصد به أنه سيزور القاهرة قريبا وليس العودة للأهلي.

وكتب عرابي عبر حسابه على تويتر: "الله يسامحك يا إيفونا صحيتني من أحلى نومة، يا شباب فريق الأهلي ماشي باستقرار الحمد لله، وكوليبالي وأجايى ماشيين كويس الحمد لله، ولازم نساعد الناس عشان الاستقرار دا يستمر أكتر، ونمنع أي خبر أو أي شيء يعمل بلبلة للفريق، الناس كلمتني عشان الصورة اللي نزلها وكلمت ماليك ووكيله عرفت أن اللي وصل للناس من الصورة مش هو الصح".

وتابع: "السبب وهو أنه راجع من الإصابة قريب في وقت أسرع مما كانوا متخيلين بعد أسبوعين أو 3 وكان متوقع وقت أكتر، وفي نفس الوقت عاوز يزور مصر قريب لأن النادي ومصر وحشوه وده كان قصده من الصورة، وعمومًا أنا طلبت منه أنه يوضح بعد كده أي بوست يكتبوا عشان محدش يفهم غلط واستقرار الفريق، وهو تفهم دا وعشان أنا كالعادة اللي بشيل الليلة".

كان إيفونا قد نشر صورته بقميص الأهلي، وأكد أنه سيعود إلى القاهرة قريبا، وهو ما فتح باب التكهنات بعودة اللاعب لصفوف الفريق الأحمر قريبا.