«مصر الخير» تطلق «أحلى صباح» بالمنصات الرقمية والسوشيال ميديا

دار المعارف – نشوى مصطفى تطلق مبادرة "أحلى صباح" التى تتسبب في رسم الضحكة على وشوش الغير، لما تسمع كلمة حلوة، أحلى صباح لما تصنع خير ولما تساعد الغير، أحلى صباح لما تشكر ربك، على نعمه الكتير، أحلى صباح لما خيرك يسعد نفسك ويساعد غيرك. "مصر الخير" هتساعدك في كل يوم توصل بخيرك لغيرك، انك ترسم ضحكة على وجوه المستحقين، إنك تساعد الغارمين، وإن صدقتك توصل ليد المحتاجين الحقيقيين، إنك تساهم في مشروعات كثيرة في صحة وتعليم وبحث علمي وتكافل ومناحي الحياة. هتبدأ"مصر الخير" حكاية جديدة، تعلمنا ازاي أن الخير مش بس في المواسم والأعياد، وأننا لازم نشكر ربنا على نعمه الكتير، بمساعدة غيرنا كل يوم، ويكون هذا جزءا من روتينا اليومي، ولم يكن ذلك لأن في كتير محتاجين للصدقة ولكن لأننا إحنا أيضا محتاجين للصداقة هذه و ثوابها يمكن أكتر من اللي هتوصلهم. "العطاء هبة ربانية كبيرة، رزقنا بها المولى علشان نسعد نفسنا ونساعد غيرنا، المهم أنك تبدأ وتستمر  في إسعاد نفسك ومساعدة غيرك بالخير اليومي" . "مصر الخير" عملت وسائل كتير علشان خيرك ميوقفش، مهما كان بسيط، وفي ثواني يوصل ومن غير اي مجهود، ممكن أنك تشارك برسالة ثمنها خمسة جنيه ممكن تدفعها مهما كان عملك أو عمرك، من مرتبك أو تجارتك أو حتي من مصروفك، المهم أنك تبدأ مشوارك في الخير، وانت الصبح بتفطر أو بتشرب فنجان قهوة، او وانت رايح شغلك أو جامعتك او مدرستك،  المهم انك تعمل خير تلاقيه في صحتك وصحة اولادك وتلاقيه بركة في حياتك كلها وكمان في اخرتك، رسالة في ثواني من تليفونك، ممكن تسعد بيها أسرة وتساعد بيها  محتاج او تشارك بيها  في مشروع وفي قصة نجاح لينا ولبلدنا. تبرعك هيوصل لينا بلمسة في تليفونك برسالة علي رقم 9597 مقابل 5 جنيهات ، أو أي مبلغ عبر موقع مصر الخير الالكتروني أو من خلال تطبيقات الدفع الالكتروني. يلا ابدأ و مترددش كتير وخلي خيرك يوصل لغيرك كل يوم، "مصر الخير" من الناس وللناس، هنساعد ونعمر، ومش هنوقف غير أما نوصل لكل محتاج علي ارضنا الطيبة .