شذى تساند تامر وتهاجم بدرية وتطلب من الصحفيين أن يحبوها

كتب: أحمد النومى على صفحتها الخاصة على "فيسبوك" : كتبت الفنانة شذى مدافعة عن تامر حسني وإتهامه بأنه يشتري الجوائز، وهاجمت فى ذات الوقت سيد بدرية، الذى قال إن  تامر حسني حصل على البصمة من خلال عملية الشراء التى أصبحت سهلة جدًا، ويمكن للفنان الحصول على حفل وعضوية وتكريم مزيف في المسرح الصيني، مؤكدا (رغم اعتذاره لتامر حسنى) أن هذا ما حصل بالضبط. وردت شذى على ماسبق فكتبت: "مستغربة جدا من الهجوم اللي على تامر حسني .. معلش يعني هو تامر مثلا راجل فاشل أو فنان ملهوش جمهور ليه الهجوم ده وليه في صحفيين كتير بيهاجموا ..و الاستاذ سيد بدريه اللي مع كامل إحترامي ليه بجد والله أول مره أشوفوا، ليه كميه الحقد اللي في الفيديو اللي إنت عامله". وأضافت: "ولما تامر في نظرك بيشتري الجوايز و بيكذب نازل ليه من بيتك و هادد حيلك علشان تهاجمه و حاططلي لقب الفنان العالمي سيد بدريه قبل إسمك، .. يعني حلال ليك وحرام على غيرك على الأقل إحنا عارفين تامر بس مين حضرتك ؟ و لو إني أحترم ذكائك لانك بمهاجمتك لتامر الوطن العربي كله عرف إسمك في يومين اللي عالميتك معرفتش إسمك لأولاد بلدك حتى !". وواصلت شذى : "واحب اوجه كلامي لجزء من الساده الصحفيين حبونا شويه لو سمحتوا حبوا ولاد بلدكوا صدقوا موهبتنا و آمنوا بيها بطلوا تنجموا ناس ملهاش لازمه و تعملوا من ناس بلا قيمه نجوم و تيجوا على اللي بيشتغلوا بجد و بيتعبوا و بيجتهدوا و تهاجموهم".