كشفت الإعلامية ريهام سعيد تفاصيل ما تعرضت له من السحر الأسود، مما أدي إلي وقف الحال والعمل والمرض والطلاق، ولا تستطيع قراءة الاذكار والتسبيح، وذلك في بث مباشر عبر صفحتها الرسمية على موقع التواصل الإجتماعي "فيس بوك"، وقالت الآتي: "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق والناس بتاعة ربنا اللي مش بيقى ليها في الدجل والشعوذة بيقولولي إن أنا معمول لي سحر وكل ما يتفك الجهة دي بتجدده وللأسف هي مش جهة واحدة اللي بتعمل كده ناس كتير أوي وأسبابهم مختلفة".
وأضافت ريهام سعيد إن هناك علاقة وثيقة بين الآثار والسحر وأن معظم من يعملون في الأسحار يعملون في التنقيب عن الآثار والدليل على ذلك أنها لاحظت تغير حياتها رأسا على عقب بعدما ذهبت لمنزل 5 فتيات في إحدى حلقات برنامجها قالوا إن منزلهم تحته آثار ولذا حدث لهن مس.
وأكدت ريهام أنها تعلم جيدا من وراء هذا السحر وقالت: "عندي زميلة عايزة تدمرني وبتشتغل من تحت والأذية أخرتها مش حلوة خالص وكله هيرجع".
وتابعت ريهام: "طبعًا كل اللي بيحصل بإذن الله ومن عند ربنا فأنا مقتنعة أن كل اللي بييجي من عند ربنا خير لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك" مشيرةً إلى أن الداعية مصطفى حسني قال لها إن سورة البقرة قوية جدًا".
وأختتمت: "كل ما أجي أمسك سبحة لأعمل أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيّ كده مش عايزة تهدأ غير لما يتقضي علىّ خالص.. أنا زهقت وفكرة أن حد يأذيني بتبقى صعبة أوي، عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب أنا لما بصلي بنهار من الدموع وقرأت لشيوخ بيقولوا أن ده من علامات الحسد".
ونصحت ريهام متابعيها لقراءة سورة البقرة يوميا للتخلص من السحر.