أعلنت النجمة نشوى مصطفى تنازلها عن قضية اتهام عدد من الأشخاص ب التحرش بابنتها في أثناء قيادتها برفقة زوجها، واثنين من أصدقائها سيارة ملاكي على طريق كوبري المنصورية - الهرم بمحافظة الجيزة.
وكتبت نشوى مصطفى على "فيسبوك"، قائلة: "الحمد لله تم القبض على العربية باللي كانو فيها في أقل من 4ساعات، للأسف كلهم سنهم صغير، والهدف اتحقق إنهم هما وغيرهم عرفوا إن مصر اختلفت وكله متسجل وإن عندنا عنين صاحيه بتحمينا ومحدش فوق القانون".
وتابعت: "يمكن آخر سطر ده يزعل بعض الناس اللى طلبو مني إني استمر في القضية، بس حرصا على أمهات وأسر المتهمين وانهيارهم بأن ولادهم يتسجنوا.. أنا وابتغاء مرضاة الله، تنازلت عن القضية عملاً بمبدأ العفو عند المقدرة، ربنا يهديهم، كل اللى طلبتوا من أهاليهم وهما بيعتذروا لبنتي إنهم يربوا عيالهم ويفهموهم معنى الرجولة".
واستطردت نشوى مصطفى: "أقل عقوبة للمتحرش باللفظ أو الإشارات الخادشة للحياة هي 5 سنوات طبقاً لقانون التحرش اللي أمر بتعديله الرئيس حفاظاً على حق بناتنا.. حاجة تانية مهمة مكنتش أعرفها.. أنا بالمناسبة معملتش محضر.. أنا بس كتبت بوست هنا، واللي اتحرك بالنيابة عني كمواطنة مصرية هي إدارة الرصد والبيان والتوجيه بمكتب النائب العام، ودي إدارة موجودة مخصوص لمتابعة السوشيال ميديا، وبيهتموا بأي مشكلة يكتبها أي مواطن وليهم أرقام تليفون نقدر نتواصل معاهم".