قال الدكتور محمد علام نائب مدير مستشفى النجيلة السابق للأسف يوجد بوستات منتشرة على مواقع التواصل الاجتماعي خاصة الفيس بوك اتعملها الأف الشير ووصلت لناس كتير إن تحور "هيهي" بيموت الناس فجأه بدون مقدمات وده كلام خاطئ ومش حقيقى، ونفسى أعرف اللى بيكتبوا الكلام ده بدون ما يتاكدوا بيستفادوا ايه لما يرعبوا الناس.
وأضاف أنه تحور من متحور دلتا الاصلى ، وغير مقلق لأن أعراضه ليست أخطر بالعكس حسب المعلن التحور الجديد مش قوى والأعداد قليلة فمش هنقدر نحكم بناء عليها، و الصين تعتبر حاليا قضت عليه أو فى طريقها لهذا.
وأكد الصين تتعامل بجدية مع الكوفيد عكس أغلبية دول العالم لأن أى استهتار وتراخى معناه كارثة وهما عارفين ده كويس علشان كده أول ما ظهرت بؤر إصابة محلية فى مدينة هيهي قفلوا المدينة وكل القرى اللى حوليها واغلقوا المحلات وقاموا بحمله مسحات لملايين السكان أسفرت عن اكتشاف ١٨٩ حالة مصابة فقط حتى يوم ٢ نوفمبر واغلبهم بدون أعراض أو أعراض بسيطة ولا يوجد وفيات.