فى إحدى الحوارات الصحفية تم سؤال الراحلة سهير البابلى عن رأيها في تحليل كلمة "خفة دم" وجاء فى رأيها أن خفة الدم ذكاء وقالت: "عيلتنا كلها دمها خفيف وأمي بالذات".
وجاء نص السؤال : يعني ايه "دمها خفيف" ، انا عايز أحلل كلمة "فلان دمه خفيف" يعني ايه ؟؟
وأجابت الراحلة سهير البابلى: مش هيحللوا يلاقوا دمه وزنه خفيف يعني.. خفة الظل إني مبقاش بروطة وأنا قاعدة سامعاك كده لازم اخد وأدي وياك ويكون دمي خفيف بقى، الدم الخفيف ده ذكاء، عين الشخص تكون لماحة جدا وصاحي، بس صاحي بدم خفيف مش ببواخة أصل فيه اني ممكن أسخفك تبقى بايخة أوي يعني مثلا فيه واحد قبل ما أقول النكتة يقولي "هههههه عارفها" ده بيبقى دمه بارد وبقوله "عيب اختشي".. لكن فيه ناس مثلا تيجي تقول نكتة ويبقوا عارفينها يسمعوها ويفضلوا مبتسمين وبعد ما يضحكوا اوي اوي يقولوا "احنا عارفينها" دول بيبقى دمهم خفيف .. فخفة الظل هي ازاي انت بتلقي ، ازاي انت بتشد انسان ، ازاي لما تتكلم تبقى الناس مشدودة لك ودي بتبقى حاجة من عند ربنا.