اسلام عرفات نجل وليد عرفات رئيس نادى سموحة بالإسكندرية و زوج سلمى الزرقا رحمها الله الأسطورة التى رضيت بقضاء الله و حاربت المرض حتى آخر لحظة فى حياتها ،نشر امس على الفيسبوك، تهنئة لزوجتة الراحلة بعيد ميلادها ونعى لها وطالب بالدعاء لها ،
ونشرصورها معه فى يوم خطوبتهم قبل أن تصاب بالمرض الخبيث وصور لهما بعد الإصابة وصورة الزفاف وهى باليد الصناعية ،اسلام حاز اعجاب واحترام وتقدير كل من عرف قصة زوجته الراحلة وقصتة معها خاصة أنها من الواضح أنها أصيبت بمرضها بعد الخطوبة وتم بتر يدها قبل الزواج وهو مايتضح من الصور ولم يتخلى عنها بل ظل مرتبطا وبها ومساندا لها حتى آخر أيام عمرها فكان نموذجا للإخلاص والدعم والسند.
وكتب إسلام " كل سنة و انتي طيبة يا حبيبيتي و عيد ميلادك احلى في الجنة ان شاء الله ❤️"
وتابع إسلام: "مش قادر اتخيل حياتي من غيرك لكن متاكد انك ارتحتي و في مكان احسن بكتير، قضيت معاكي احلى ايام حياتي علمتيني فيهم معنى الصبر و العزيمة و غيرتيلي مفهوم الحياة بالكامل، دايماً بقول سلمى شخصية استثنائية مش سهل نقابل زيها كتير في حياتنا و اللي الناس شايفاه نص الواقع في القوة و الايمان بالله و الروح الحلوة عشان عشت معاها كل لحظة في قصتها و احلى ذكريات".
وأضاف إسلام : "فخور جدًا بيكي و انك عرفتي توصلي رسالتك و تأثري في الوطن العربي كله و دة كان هدفك و بيجيلي رسايل من دول كتير متأثرين "بالمرأة الخارقة".
اخر حاجة قلتيهالي "انت قوي معاك ربنا" ان شاء الله هكون قوي و اخليكي فخورة بيا في الجنة و نعيمها ان شاء الله الى لقاء قريب❤️❤️❤️".