حل المطرب أحمد سعد ضيفا على برنامج «معكم»، الذي تقدمه الإعلامية منى الشاذلي عبر فضائية cbc، مع المطربة أصالة.
وتحدث سعد عن علاقة الصداقة القوية التي تجمعه بها، وجاءت تصريحاته كالتالي:
• أي مطرب لو المطرب اللى قدامه قوي ممكن يتوتر، ولكن لو هما أصدقاء هيغنى أحلى كتير.
• وانا قدام اصالة بغنى أحسن بكتير لما أغنى قدام أي حد تاني.
• كنت في بداية حياتى، ومكنتش معروف وهى بتعاملنى معاملة المشهور عشان صوتي.
• كان عندها برنامج بيتعرض في لبنان وجابتنى وطلعت معاها وكنت مستغرب الأجواء.
• كان في نجمة كبيرة جدا وتاريخ كبير في الغناء وكان لها اغنية هنغنيها احنا التلاتة بس كانت الأغنية لايقة على طبقة صوتى أكتر، متابعا: أصالة في الموقف ده فضلت مصممة انى أغنيها وفضلت واقفة معايا.