أكدت الفنانة أيتن عامر، أنها لم تقلد الفنانة سمية الخشاب في ارتداء أزياء كانت ترتديها، قائلة: "مستحيل أقلد سمية الخشاب ولو هي فاكره اني بقلدها تبقى غلطانه وهي من النجوم الكبار ولكن أنا مش عمله لها متابعة على حسابتها عشان أقلدها في الأزياء والفساتين".
وأشارت الفنانة أيتن عامر، خلال حوارها ببرنامج "حبر سري" مع الاعلامية اسما ابراهيم، على قناة القاهرة والناس، إلى أن فكرة تصدر اسمها الأعمال الفنية لا تشغلها في المقام الأول، مضيفة: "شايفة فكرة أنى ابقى متصدرة العمل مش أهم حاجة فى الدنيا والاهم العمل اللي بعمله يكون مؤثر ودوري قوي".
وتابعت: "عملت حاجات كتير الدور فيها كان الدور الثاني، والدور الثاني مش سُبه والدور الثاني ساعات كتير اهم من الدور الرئيسي وممكن يكون لسه مجليش فرصة لتصدر مسلسل واعتقد انها مسألة وقت ولكن مش هدف، والعمل نفسه هو الاهم بالنسبة لى".