نشر نجم مسرح مصر محمد أنور، صورة جديدة على حسابه الرسمى على موقع التواصل الاجتماعى لتبادل الصور والفيديوهات إنستجرام.
الصورة الجديدة تأتى من داخل الجيم، حيث نالت إعجاب عدد كبير من جمهوره، وتنوعت التعليقات بين "عاش يا وحش.. عاش يا نجم.. ابن أصول".
وكان الفنان محمد أنور، قد أكد أن علاقته قوية بـ الزعيم عادل إمام رغم أنه لم يعمل معه من قبل، ولكن كل فصل صيف خلال الفترة الماضية كان يجلس عنده بشكل دائم .
جاء ذلك خلال حوار الفنان محمد أنور والنجمة نيكول سابا، فى برنامج "أحلى كلام" تقديم الفنان أحمد فهمى، المذاع على شاشة الحياة، خلال شهر مترس الماضى.
وأضاف محمد أنور :" العلاقة بدأت غريبة شوية، هو كلم محمد إمام وقاله فى عيل من العيال بتاعت مسرح مصر دول عمل بورسعيدى فى رمضان حلو أوى، فمحمد إمام افتكر إنه قصده على حمدى الميرغنى، فكلمه قاله الزعيم بيحبك ومعجب بشغلك".
وتابع :" أول ما قفل حمدى قالى أنا دلوقتى وضعى مختلف بعد المكالمة دى، الزعيم بيتابعنى وبيتفرج عليا، وبيقولى هتعرف تشتغل معايا ولا نجيب حد تانى، قولت لحمدى وقتها، ده أنا يلا، قالى يلا إيه أنا الزعيم بيشوف شغلى".
تابع :" عدى أسبوع وسافرنا الساحل، جينا فى الفترة دى، الزعيم فتح تانى الموضوع مع محمد إمام، وقتها الزعيم قاله أنا قصدى على الطويل الأبيضانى، وكان قصده عليا، حمدى الميرغنى كان عرف، روحت كسرت عليه باب الشاليه قولتله الزعيم بيحبنى أنا".
أضاف : "كل مرة بسمع صوت الزعيم عادل إمام بتخض نفس الخضة، مرة كلمنى فى كواليس مسلسل كنت فيه مع محمد إمام، أول ما محمد إمام قالى خد كلم الزعيم عاوزك مسكت التلفون وقومت وقفت".
وأضاف محمد أنور قائلا :" بالنسبة للكدب، كلنا بنكدب، لكن أنا مش بطيق الدم التقيل، وأنا كنت علمى ومش عارف نجحت فيها إزاى بس كنت مش شاطر فى الفيزياء".