عرض الإعلامي محمد موسى، فيلم وثائقي، يحمل عنوان، "من سجلات الأبطال.. محمد أنور السادات بطل الحرب والسلام"، يبرز محطات مهمة في حياة هذا البطل العظيم، وذلك بمناسبة الذكري الــ 49 لنصر أكتوبر العظيم.
وقال محمد موسى خلال تقديم برنامج "خط أحمر" على قناة الحدث اليوم، إن أجمل ما يميز الفيلم أنه بدأ بذكر عدد من قادة 6 أكتوبر ومنهم الرئيس الراحل محمد حسني مبارك قائد القوات الجوية في حرب أكتوبر العظيم وأعتقد أنه كان من أهم القادة، مضيفا: الرئيس السادات مش بطل حرب وبس لأ كمان بطل سلام.. بس سلام الأقوياء وهو السلام اللي حصل بعد هزيمة العدو الإسرائيلي هزيمة نكراء هزيمة هتفضل منورة تاريخ العسكرية المصرية" .
تابع، الرئيس السادات مكانش رئيس ولا قائد عادي.. لأ كان قائد محترف وذكي وداهية في قيادة الحرب دي ولما قرر يحارب قرر وهو جاهز ومستعد وهو ده اللي قواتنا المسلحة بتتميز به .. جيشنا جيش فعل مش كلام وده اللي خلي جيشنا دلوقتي وفي عهد الرئيس عبدالفتاح السيسي من أهم عشرة جيوش علي مستوي العالم".