محمد موسى يوجه رسالة نارية لأولياء الأمور بسبب تحدي كتم الأنفاس

حذر الإعلامي محمد موسى ، من انتشار تريند في المدارس وتجمعات للمراهقين ، عبارة عن تحدى كتم الأنفاس، قائلا: مجموعة صحاب يتلموا علي صديقهم ويساعدوه علي إنه يكتم نفسه لحد ما يغمي عليه... الهدف إنه يغمي عليه ويجرب الموت، يعمل حركات بجسمه توقف وصول الدم للمخ والقلب ومياخدش نفسه ولو فكر يوقف التحدي صحابة بيساعدوه يكمل بأنهم يضغطوا علي رقبته ويخنقوه لحد ما يغمي عليه" . وأضاف محمد موسى خلال تقديم برنامج "خط أحمر" على قناة الحدث اليوم، المشكلة إن لو واحد طلع سليم ممكن واحد تاني ميطلعش سليم، بيوقفوا وصول الأكسجين للمخ ومحدش عارف تأثير دا هل مؤقت؟ هل مجرد إغماء؟ ولا هيكون له تأثير دايم علي وظائف المخ لو الشخص عاش؟ ولا هيكون ليه تأثير الموت ونخلص!! في أقاويل بالفعل إن في حالات وفاة. تابع، التريند منتشر بين طلبة إعدادي وثانوي حاليا ومنتشر علي التيك توك جدا وبيعملوا فيديوهات كتير عليه عشان شايفينها حركات جامده وكده.. المهم ضروري جدا تراقبوا المحتوي اللي بيتقدم لأولادكم ، مش عارف ازاي لحد دلوقتي لسه في ناس سايبه الموبايل لأولادهم بدون حذر، مش بقول نمنعهم ولكن إحنا هنتحاسب علي الوقت اللي بيقضوه فنختار بيعملوا ايه وبيشوفوا إيه؟ https://www.youtube.com/watch?v=KrDsDIIrVnc