حلت الفنانة نجوى فؤاد، ضيفة على الإعلامية مروة صبري، مقدمة برنامج قعدة ستات، وكشفت خلال لقائها، سبب خلافها مع الفنانة لوسي، مؤكدة أن الغيرة ليست سبب الخلاف الذي بينهما.
وقالت نجوى فؤاد، خلال لقائها، "مش زعلانه منها بسبب الغيرة، لأني عمري ما غيرت من حد، والناس العادية وغير عادية بتحبني".
نجوى فؤاد: لوسي غلطت فيا
وأوضحت نجوى فؤاد: "أنا و لوسي كنا قريبين من بعض، وحصل سوء تفاهم في موقف معين، وانسحبت من الموقف، وأنا لما انسحب مش ببص ورايا، علشان أنا برج الجدي".
واستكملت نجوى فؤاد حديثها قائلة:" مغلطتش في موقفي مع لوسي علشان أصلحوا، وهي غلطت فيا هي وأسرتها، أنا سمعت إنهم تعبانين، واشتريت شوية حلويات وروحتلهم".
وواصلت نجوى فؤاد:" وكان معايا صديقة صحفية، وهي اللي كانت تعبانة، ونزلت البواب ليا وقالي دول في المستشفى، قولتله مستشفى إيه ومحدش رد عليا، وعرفت إن هما فوق نايمين، قولتلهم أجيلكوا وقت تاني واتضايق" .
مما دفع الفنانة لوسي، لإجراء مداخلة هاتفية مع نجوى فؤاد خلال الحلقة، أنهت من خلالها سوء التفاهم بينهم قائلة: إنتِ إمبراطورية الاستعراض، وطول عمرك رقيقة وشيك وبتحترمي الكل وأنا بحبك جدًا.
واستكملت لوسي حديثها قائلة: مش ممكن أزعل منها، وهي أكتر واحدة حضرت استعراضات ليا وأعياد ميلاد، وست مش ممكن تغلط في حد، لكن إحنا أهل فن وممكن نزعل وفي الآخر نتصالح، ونقابل بعض بالأحضان.