تحدث الفنان مصطفى هريدي عن تفاصيل تعاونه مع الزعيم عادل إمام، بجانب حديثه عن أشهر أعماله فيلم مجنون أميرة.
وقال مصطفى هريدي، خلال حواره مع الفنانة انتصار وبدرية طلبة ونوليا، في برنامجهم من غير نفسنة، المذاع عبر شاشة قناة هي: عادل إمام مينفعش نقول اسمه كده ده الزعيم، وبعد فيلم مرجان أحمد مرجان كنت بعمل معاه مسرحية وكان في مشهد بنفعل جامد في المحكمة وهو كان بيضحك عليا طول المشهد، وده باين في المشاهد أنه بيضحك في الحالة اللي أنا فيها كان واقع على ركبه من الضحك.
أما عن شخصيته في فيلم مجنون أميرة، فعلق مصطفى هريدي قائلًا: شخصية إبراهيم بطل الفيلم كان رمز للولد العربي المسلم المجنون بالأميرة ديانا، والموضوع كان معالجا بالشكل ده، لأنه بيحبها من قبل ما يشوفها وبعدين يشوفها صدفة في الأهرامات وبينسحر بيها.
وتطرق مصطفى هريدي في حديثه إلى فيلم بحبك نار، كاشفًا كواليس مشهده التراجيدي، قائلًا: فيلم حبك نار كان خامس فيلم ليا أعمله وكل أفلامي كوميدي، وكان المساحة كبيرة في أول أدوار في حياتي، وأنا عيطت الناس في مشهد القلعة والحمد لله إني قدرت أوصل ده للناس مع إن شكلي ميخليش الناس تعيط.