أجاب الدكتور علي فخر، أمين الفتوى بدار الإفتاء المصرية، على سؤال متصل حول حكم الدعاء على الغير حتى لو كان ظالما؟.
وقال أمين الفتوى بدار الإفتاء المصرية، خلال حلقة برنامج "فتاوى الناس"، المذاع على فضائية "الناس"، اليوم الأحد: "الأفضل الدعاء له حتى لو كان ظالما، لو أنت بتدعي عليه وحصل اللى دعيت به عليه، هل هتستفيد شيئا من هذا، لا بل بالعكس لو ربنا هداه هيرد لك حقك ومش هيظلمك تانى وهيحسن خلقه ".
وأكد فخر: "طيب أنت دعيت عليه وحصل له حادث واتكسر وأنت فرحت فيه، فرحك ده لو حطيته فى الميزان، لو حطيته مع إنه اتغير تماما معك وبيبرك وبيتكلم عنك كويس، أيهما أفضل لو دعيت عليه ولا لو دعيت له وحالة اتغير من إنسان سيئ إلى إنسان صالح".