انتشر على التيك توك، مقطع فيديو للفنان عمرو يسرى فى عزاء الفنان الراحل عادل الفار، وهو يبتعد عن الفنان محمد الصاوى ولا يمد يده بالسلام عليه ، فى حين أنه يتعامل بكل حب مع فنان آخر كان بجواره...
ليرد الفنان عمرو بمنشور على صفحته على موقع التواصل الفيس بوك ، يشرح ما حدث ويطلب من متابعين التبك توك بالرد ويقول فى منشوره:
"بجد شيء مستفز جدا قسما بالله
أولا الفنان محمد الصاوي قيمة و قامة و أخ كبير و عزيز و غالي و عشرة عمر
الحكاية
أنا جيت علي صلاة العشاء ل عزاء المرحوم عادل الفار و كان النجم محمد الصاوي موجود وقتها و سلمت عليه و خدنا بعض بالحضن و أتمنى الاقي فيديو للي بقوله
و بعدين سبت العزاء و رحت أصلي العشاء في الجامع و لما رجعت لقيت الفنان مجدي فكري قاعد جنبو و خدتو بالحضن لأنه صديق عمري و أكتر حد في الوسط قريب مني و بالطبع مسلمتش علي النجم محمد الصاوي تاني لأني كنت مسلم عليه و حاضنو أول ما دخلت
كفايه افتراء و كلام ترندات ملوش لزمة و طبعا اللي صور اللقطه دي أكيد جه بعد صلاه العشاء عشان كده شاف اللي شافو
و طبعا أخويا النجم محمد الصاوي عندكم اسألوه
واحد غيري مكنش رد عشان ياخد الترند.. لكن علي حساب زميل محترم و قيمة و قامة زي النجم محمد الصاوي يبقي لا و الف لأ
عيب.. عيب.. عيب
اتمني الناس اللي قرت البوست ترد علي التيك توك علي كل اللي اهانوني و جرحو فيا
حسبي الله و نعم الوكيل".