في حلقة خاصة من برنامج "الصورة" مع الإعلامية لميس الحديدي، فجّر الكينج محمد منير تصريحات نارية عن الحالة الغنائية الراهنة، كاشفًا عن الفارق بين الماضي والحاضر، وعن رؤيته لمستقبل الأغنية في مصر والعالم.
قال منير: "في العقود الأخيرة فقدنا رموز الموسيقى عالميًا، وآخرهم مايكل جاكسون.. هؤلاء العظماء كانوا بيساعدوا العالم يقلّل من الحروب. غيابهم أثّر على الإنسانية كلها." وأوضح أن نفس المشهد انعكس في مصر، قائلاً: "افتقدنا كبار الملحنين زي عبدالوهاب، كمال الطويل، بليغ حمدي، والموجي.. وفقدنا شعراء بحجم صلاح جاهين، عبدالرحيم منصور، سيد حجاب.. كلهم رحلوا وسبّبوا فراغ صعب يتعوض."
وشدّد منير على أن صناعة أغنية محترمة مش سهلة: "علشان أعمل أغنية حلوة بتعب جدًا.. لازم أبقى زي الصياد الماهر.. الأغنية بالنسبة لي مشنّن عليها، لغاية ما أطلع بعمل مقبول." لكنه انتقد المناخ الحالي: "الموسيقى دلوقتي فيها تسطيح.. صحيح في محاولات، لكن المضمون غايب.. بقى الشكل أهم."
وأضاف: "حياتي كلها مضمون.. عمري ما اتنازلت عن 3 محاور في غنايا: الوطن، والإنسان، والحب." وقارن الجيل الحالي بنفسه: "كثير من المطربين دلوقتي (حبيبة) أكتر."
وعن أزمة الكلمة، أكد منير أن فيه محاولات واعدة من شعراء زي عصام عبدالله، وبهاء الدين محمد، وكوثر مصطفى، ومنة القيعي، مضيفًا: "ماقدرش أنكر إن في ناس بتحاول تقدم مضمون.. ومش ممكن أنسى كمان الفرق المستقلة." وتابع: "بسمع ويجز.. وعندي ديو قريب معاه، وسعيد بالتجربة. وكمان ممكن أتعامل مع كايروكي وأمير عيد. أنا زي ما الكبار مدّوا لي إيديهم زمان، النهارده أنا فاتح إيدي للشباب."
وفي النهاية وجّه رسالة قوية: "من حق أي حد يغني.. لكن مش من حق أي حد ينجح. الأغنية يا قوية يا ضعيفة.. إنما ما فيش حاجة اسمها أغنية وحشة."