كتب: مدحت سالم
أطلق الرئيس عبد الفتاح السيسى، اليوم الثلاثاء، منظومة التأمين الصحى الشامل من مدينة بورسعيد، مشددا على أهمية التزام المواطن باشتراك فى فيها.
وقال الرئيس السيسى خلال افتتاح عدد من المشروعات القومية فى بورسعيد، اليوم: "كدولة ملتزمون بتنفيذ التأمين الصحى الشامل ولكن نجاح الموضوع ده مرتبط بجزء من الدولة بتقوم بيه وملتزمين بيه طبقا للتخطيط والفكرة والأساس اللى اتبنى عليه التامين الصحى، ويتبقى جزء على المواطن علشان مافيش حاجة تفشل".
وأكد الرئيس السيسي على اهمية إجراء فحص طبى شامل لكل الطلاب مع بداية كل عام دراسى جديد، متابعا:" فى كل دخول مدارس او جامعة لابد من إجراء تحليل وفحص فيروس سى مرة تانية بس المرة دى على حساب الاسرة ومش هيتكلف كتير 20 جنيه بس، للاطمئنان على صحة أبناءنا".
وأشار إلى شكوى مستشفى بهية حول وجود حالات الانتظار لعلاج سرطان الثدى لحوالى 13 الف حالة، وأكمل:" قلنا نتصدى كدولة وفحص السيدات للتوعية".
وأردف: "مفيش رئيس فى مكاني يتناول المسائل كده خالص..الرئيس يتكلم فى الحلو بس"