بالصور| تفاعل الجمهور بعد عرض أولي حلقات «مسلسل الاختيار»

كتب: محمد سمير

تفاعل عدد كبير من رواد مواقع التواصل الاجتماعي علي السوشيال ميديا مع عرض الحلقة الأولى من مسلسل « الاختيار» للنجم أمير كرارة والذى يجسد دور الشهيد البطل أحمد المنسى ،  كما يجسد فيه الفنان أحمد العوضى دور الإرهابى هشام عشماوى.

وعبر نشطاء التواصل الاجتماعي عن سعادتهم الشديدة بإتقان الفنان أحمد العوضى لدور الإرهابى هشام عشماوى مؤكدين أنه يؤديه بصورة مبهرة جعلت المشاهد يحس وكأنه أمام الإرهابى القاتل عشماوى.

قالت سامية محمد : "مصر كلها تبحث عنك يا عشماوى اقصد يا عوضي كنا نتمنى يسلموا عشماوى الكلب للشعب المصرى ١٠٠مليون ياخدوا حقهم بإيدهم.. رحم الله الشهيد منسى البطل".

وقال مختار مختار : "أنت فنان رائع و متمكن و تقيل و حبيبى صحيح .. لكن شكلك متعظتش من إياد نصار بعد الممر .. شكلها كده على نص رمضان الناس هتنزل تدور عليك .. عموما شابوه يا نجم". فيما قالت دنيا شوقى : " بجد شااابووو المسلسل كله احمد المنسى وكمان انت من اول الحلقه أظهرت طريقه الناس اللى بتفكر بطريقه هشام عشماوى ومتقن دوره جدا .. أنا أخويا الشهيد محمد شوقى البدوى استشهد بعد المنسى بشهرين لما طلبوا ان فى مجندين يلتحقوا فى نفس المكان بعد استشهاد المنسى والكتيبه اللى معاه الله يرحم الابطال". وقال محمد مكة: "ألف تحية تقدير لحضرتك على الأداء المتمكن للدور ومعنى كراهية شريحة كبيرة من المشاهدين دليل قوى على نجاحك من الحلقة الأولى .. خالص تمنياتنا بالتوفيق دائما". وقال على البدرى: "اتقانك للدور وادائك ليه بالروعة دى خلت الناس تكره الشخصية وتكره احمد العوضى كمان من اول حلقة وده دليل قاطع على نجاحك فى الدور". جدير بالذكر، أن مسلسل الاختيار يذاع على قناة أون الفضائية فى الساعة الـ 9 مساء يوميا فى شهر رمضان المبارك، ومن بطولة أمير كرارة وأحمد العوضى، ودينا فؤاد، وعدد من ضيوف الشرف، ومن إنتاج شركة سينرجى وإخراج بيتر ميمى.