ملكة جمال مصر تحت جهاز التنفس.. «الموضوع مش هزار ومتعب أوى»

كتب: محمد أحمد "أرجوكوا خلوا بالكم لو بتحبوا أهلكم وخايفين عليهم.. الموضوع مش هزار ومتعب أوى.. أنا بيعدى عليا أيام بموت فيها مش عارفة أتنفس.. ما تستهونوش أرجوكم". هذا ما كتبته ريوان علاء، ملكة جمال مصر للبيئة والسياحة عام 2017، بعد الكشف عن إصابتها منذ ١٠ أيام بفيروس كورونا، عبر حسابها الرسمى على إنستجرام. وأرفقت ملكة الجمال كلامها بصورة لها وهى على جهاز التنفس. وأضافت: "أنا جالى كورونا ودا سبب اختفائى الفترة دى.. وأنا بنزل الصورة مترددة وخايفة بس دا دورى وواجبى إنى أقولكم وأوعيكم حتى لو مش فى مصلحتى" فى إشارة إلى ترددها قبل إعلان الخبر. وقالت ريوان إنها لم تخرج من البيت منذ وقت العاصفة، ولا تلتق أقاربها ولم تفطر خارج البيت خلال رمضان، ولكنها نزلت مرة واحدة فقط متخذة كل الاحتياطات لكنها ترجح أنها أصيبت خلالها، مؤكدة أنهم كانوا يلتزمون بشكل كبير بتعليمات الوقاية من الفيروس داخل المنزل أيضًا وقالت: "واخدين احتياطتنا لدرجة كنت ببقى نايمة ألاقى ماما بترش علينا كلور وربنا يعلم".