فيديو| عمرو أديب: «هى دى العملية 14 اللى كان بيخطط لها الإخوان»

كتب: أحمد محمود علق عمرو أديب فى برنامجه "كل يوم" المذاع على قناة "أون مباشر" على تجمع عدد من الإخوان يعدون على أصابع اليدين فى نيويورك اليوم للتشويش على زيارة الرئيس السيسى لـ "نيويورك" لحضور اجتماع الجمعية العاة للأمم المتحدة ، واصفا ما صدر عن هذه القلة بـ "الأباحة" وقال فى تعليقه "هم دول الإخوان النهاردة اللى كانوا فى أمريكا.. هى دى العملية 14 التى كان بيتم التخطيط لها من أيام.. جايز بكرة يزيدوا شوية.. إنما كانت النهاردة البداية.. وطبقا شتيمة بقى أبيحة بشكل  غير طبيعى.. أنا عايز أعرف هل من الإسلام الشتيمة "الأبيحة" لما أنت تشتم حد شتيمة قليلة الأدب بالأب والأم ربنا بيحسبها إيه.. جهاد؟!" وأضاف أديب: "الشتايم اللى ما ينفعش أذيعها.. إنما هو ده الجيل الرابع من الحروب..  هز شكل البنى آدم عشان عندما تريد أن تخلعه يكون الخلع بسهولة.. إنما ده خلاص خلص." وعن الوقفات المؤيدة التى كانت تخرج من الجالية المصرية الموجودة فى نيويورك لمجابهة مثل هذه الوقفات والرد عليها قال أديب: "عشان كده أنا دائما بقول يا جماعة أن الوقفات المصرية فى نيويورك مش محتاجين لها خلاص، الرئيس السيسى ينزل من المطار زى بوتين زى أى رئيس  .. زى رئيسة وزراء بريطانيا، تنزل المطار تركب عربيتها وتروح تقابل الناس تقول خطابها وتمشى من محتاجين لا تأييد ولا عدم تأييد.. أنت داخل انتخابات كمان كام شهر.. شرعية أيه بقى؟! الكلام دة لما كان 3 أشهر.. وقالوا لنا مرسى راجع القصر." [embed]https://www.youtube.com/watch?v=eKV3H--1EW4[/embed]