أكد محمد المعتصم رئيس تحرير برنامج "صباح الخير يا مصر" أنه لم يتم إجبار هيفاء وهبي، على ارتداء البنطلون بدلاً من الشورت الذى كانت ترتدته خلال الحفل، وكشف حقيقة ما تردد حول منع حلقة هيفاء وهبى.
وكتب محمد المعتصم عبر صفحته الرسمية على موقع التواصل الإجتماعي "فيسبوك" قائلاً: محمد حماقي وهيفاء وهبي.. ضيوف "صباح الخير يا مصر" تابعوا اللقائين اللى عملتهم هدير أبوزيد وهيتذاعوا في برنامج صباح الخير يا مصر وبرنامج التاسعة".
واستكمل محمد المعتصم حديثه قائلاً: "ملحوظة: ورحمة أمي ما قلنا لـ هيفاء وهبى البسي بنطلون.. علشان السؤال ده جالي من أكتر من ١٠٠ موقع مصري وعربي.. هي اللي قالت: احتراما لـ "صباح الخير يا مصر" والتليفزيون المصري وجمهوره الصباحي ما ينفعش الشورت.. بس نعمل إيه الموقع اللي نشر القصة دي حبايبي واخواتي.. قالك مخرج البرنامج اجبرها.. مع ان ماكانش فيه مخرج من الأساس".
وأضاف المعتصم: "تأجيل عرض هيفاء وهبى، كان لأنه هيتعرض في التاسعة كمان مش لأسباب ليها علاقة البنطلون.. عموما اللي عايز يتفرج على هيفاء يتفضل يشوفها في التاسعة النهاردة واللي عايز يتفرج على اللقاء ويعرف شوية كواليس.. يشوفنا بكرة في صباح الخير يا مصر".
