نشرت هند سعيد صالح صورة لها في طفولتها مع الفنان الراحل عهدي صادق على صفحتها على الفيس بوك وكتبت" "من يوم ما فتحت عينى على الدنيا ماعرفش غيره توأم روح لبابا
مش صاحب مش أخ .. توأم روح
شوفته فى بيتنا اكتر ما شوفته برة البيت
من يوم وفاة بابا و هو مش فى طبيعته و القريب منه عارف ده".
وأضافت "آخر مرة اتقابلنا قبل تعبه كنت بسأله اعدى عليك اخدك الساعة كام؟
قالى ما تتعبيش نفسك يا دودو سعيد حيعدى عليا
سكت شوية و سألته .. انهى سعيد يا عمو ؟
قالى سعيد صالح يا غلباوية
، و سكت شوية و افتكر ان بابا مات من سبع سنين و قالى انا آسف يا دودو قصدى جمال عبد الحميد جايلى فى الطريق".
وأكدت هند حبها له فقالت:
" انا بحبك اوى اوى
من رحمة ربنا عليك و كرمه انك ارتاحت و الله
و انا وجعى زاد لأن أبويا مات تانى النهاردة". "
