قالت الإعلامية سهير جودة، إن أمر الزواج من امرأة ثانية صعب على الست المصرية، مضيفة: "دراما رمضان فيها اختلاف واتعرض مسلسل أحلام سعيدة لما مي كساب مبتخلفش، وطلبت من زوجها الزواج وطلع في الآخر متجوز".
وأضافت سهير جودة، مقدمة برنامج الستات، المذاع عبر قناة النهار وان، مساء اليوم الخميس: "فكرة أكون زوجة أولى أو إني أوافق إن جوزي بيتجوز عليا زي ما مي الكساب عملت وطلبت من زوجها؟.. يعني لما الراجل مش بيكون بيخلف هيقول لزوجته روحي اتجوزي غيري".
وتابعت: "لما يكون فيه مشكلة في الخلفة ننفصل بكل أدب وكل واحد يتجوز اللي يناسبه، وبلاش فكرة الزواج التاني، ممكن الواحدة تتقهر ويجيلها أمراض لما زوجها يتجوز عليها".