قام الشاعر بهاء الدين محمد بمهاجمة الفنانة شيرين عبد الوهاب، وذلك عبر صفحته الشخصية على موقع التواصل الإجتماعى " فيسبوك " بسبب إعلان الاخيرة ندمها على غناء "ما تجرحنيش" .
وقال بهاء الدين محمد فى رسالة نشرها عبر صفحته على موقع " فيس بوك " :" مش متعود أرد على أى حد ، ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد فى كل كارثة يدافع عنها !!!" .
تابع بهاء الدين محمد : "وحأتكلم بإختصار جدا.. المشهد الأول : ..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل فى تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!" .
واضاف :" والمشهد الثانى .. رشحتها تغنى كتير بنعشق ولولا موافقة نصر إحتراما للعشرة اللى بنا ماكنتش ح تغنيها لأنها كانت موقوفه من النقابة
وتابع : المشهد الثالث .. لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطة زى دى !!! لأن المشهد ده مش لايق على المشهد الأول .
واستكمل المشهد الرابع والأخير : أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء، وماتجرحنيش من أهم أعمالى ومن حقى أدافع عنها نتاج تهور اللى غنيتها " .
واستكمل بهاء الدين محمد : وكمان لأول مرة الاقى حد بيحارب نَفسه وبيغلط ف ىمبدعين إشتركوا ف صناعته !!! .. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تتعدى حدود حجم بعض الأسماء ولا أعمالهم " .
وكانت النجمة شيرين عبد الوهاب ردت على أسئلة متابعيها وجمهورها عبر خاصية "استورى" فى حسابها الرسمى بموقع "إنستجرام".
وفى ردها على سؤال نصه: "فيه أغنية ندمتى عليها؟"، قائلة "ما تجرحنيش"، كما أوضحت أن هناك مشروعا لمشاركتها فى مسلسل أو فيلم فى وقت قريب.