حالة من الجدل أثارتها لورا عماد زوجة الفنان شريف منير بعد رسالتها التي وجَّهتها لبناتها فريدة وكاميليا عبر حسابها الشخصي على موقع الصور الشهير "إنستجرام"؛ حيث حملت الرسالة عتابًا شديدًا لبناتها.
في البداية نشرت لورا عماد فيديو يظهر تواجدها رفقة الفنان شريف منير بأحد المطاعم وعلقت عليه، قائلة: "رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!".
وتابعت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! باتمنى لكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
وردت على الرسالة كل من فريدة وكاميليا ابنتا الفنان شريف منير؛ حيث علقت فريدة ابنة شريف منير على رسالة والدتها عبر بموقع إنستجرام، قائلة: "ليه بتعملي كده؟ ليه بتخلي شكلنا كده قدام الناس؟"، لترد عليها والدتها لورا عماد قائلة: "إنتوا بتموتوني كل يوم وأنتي عارفة كده كويس، ربنا يهديكي صحيح الزن على الودان أمر من السحر".
أما كاميليا فأنكرت ما قالته والدتها في رسالة العتاب؛ حيث علقت على الرسالة، قائلة: "عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده"، وردت عليها والدتها، قائلة: "أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم".