قالت المطربة الشعبية جواهر: "أول ما ظهرت بعض الفنانين علشان يضايقوني قالوا عليَّ مطربة الميكروباصات".
وأضافت خلال لقائها ببرنامج "كلام الناس" المذاع على قناة "إم. بي. سي. مصر": “لما طلعت أغنية ”أسمريكا" كانوا بيقولوا جواهر ظاهرة أم حقيقة، وبعد كده قالوا عليَّ مطربة الميكروباصات وما كانش فيه لسه توك توك".
وتابعت: "لما عملت ألبوم "حمادة" و"على الكورنيش" قالوا عليَّ إني نجمة حقيقية، وأنا حاليًّا شغالة حفلات صيفية نهارية في الريف العربي".
وأشارت: "اتجوزت في سن صغيرة من مدير أعمالي سامي، وبالعشرة حبينا بعض ولقيته إنسان كويس رغم إنه عصبي شوية، والحمد لله ربنا كرمنا واتجوزنا عن قصة حب قوية وأنجبنا محمد ويحيى وعمرهم 16 و12 سنة".